काठमाडौँ । नेपाल आयल निगमले डिजेल र मट्टितेलको मूल्य प्रतिलिटर २ रुपैयाँले घटाउने निर्णय गरेको छ। सोमबार बसेको निगम सञ्चालक समितिको बैठकले नयाँ मूल्य लागू गर्ने निर्णय गरेको हो।
निगमका अनुसार भारतबाट प्राप्त नयाँ खरिद दरअनुसार पेट्रोलको मूल्य प्रतिलिटर ४५ पैसा बढेर आएको भए पनि उपभोक्ता मूल्य यथावत् राखिएको छ। त्यस्तै, डिजेल तथा मट्टितेलको मूल्य प्रतिलिटर २ रुपैयाँ १५ पैसा घटेर आएको हुँदा उपभोक्तालाई राहत दिन मूल्य समायोजन गरिएको निगमले जनाएको छ।
नयाँ मूल्यअनुसार अब काठमाडौँ उपत्यकामा डिजेलको प्रति लिटर मूल्य १४९ रुपैयाँ कायम हुनेछ। घटाइएको मूल्य मंगलबारदेखि लागू हुनेछ।
प्रतिक्रिया