कीर्तिमान मूल्यमा कारोबार हुँदै सुन, चाँदी कति पुग्यो ?

काठमाडौं । नेपाली बजारमा सोमबार सुनको मूल्य अहिलेसम्मकै उच्च विन्दुमा पुगेको छ।

नेपाल सुनचाँदी व्यवसायी महासंघका अनुसार, अघिल्लो दिनको तुलनामा १ हजार १०० रुपैयाँले वृद्धि भई सुनको मूल्य तोलामा १ लाख ७७ हजार ९०० रुपैयाँ कायम भएको छ। यसअघि आइतबार छापावाल सुनको मूल्य १ लाख ७६ हजार ८०० रुपैयाँ८८ प्रतितोला रहेको थियो।

पछिल्लो समय अन्तर्राष्ट्रिय बजारमा सुनको मूल्य निरन्तर बढ्दै गएकाले नेपाली बजारमा पनि यसको असर परिरहेको छ। यस्तै आज सुनसँगै चाँदीको मूल्य पनि सामान्य रूपमा बढेको छ।

आइतबार २ हजार २५ रुपैयाँ प्रतितोलामा कारोबार भएको चाँदी सोमबार २ हजार ३५ रुपैयाँ पुगेको छ।