झापा । चालु आर्थिक वर्षको आठ महिनामा काँकडभिट्टाबाट रु १२ अर्ब ७४ करोड १६ लाख मूल्यको पेट्रोलियम पदार्थ आयात भएको छ।
यो अघिल्लो वर्षको सोही अवधिसँग तुलना गर्दा रु ६४ करोड १७ लाख ५९ हजारले कमी आएको छ। गत वर्षको आठ महिनामा पेट्रोलियम पदार्थको आयात रु १३ अर्ब ३८ करोड ३३ लाख भएको थियो। मेची भन्सार कार्यालयका सूचना अधिकारी ईश्वरकुमार हुमागाईँले पेट्रोलियम पदार्थको आयातमा कमी भए तापनि, राजस्वमा वृद्धि भएको जानकारी दिए।
चालु वर्षको आठ महिनामा पेट्रोलियम पदार्थ आयातबाट रु ६ अर्ब १२ करोड ४२ लाख राजस्व सङ्कलन भएको छ, जुन गत वर्षको सोही अवधिको तुलनामा ५.६ प्रतिशतले बढी हो। गत वर्षको आठ महिनामा रु ५ अर्ब ८० करोड १८ लाख राजस्व सङ्कलन भएको थियो।
प्रतिक्रिया