काठमाडौं । सातादेखि निरन्तर गिरावट भइरहेका पुँजीबजारमा आज(सोमबार) सकारात्मक सुधार देखिएको छ।
नेपाल स्टक एक्सचेञ्ज (नेप्से) परिसूचक २६ दशमलव १० अंकले वृद्धि हुँदै २,६४० दशमलव ७८ मा पुगेको छ। आज (सोमबार) ३२६ कम्पनीका ९७ लाख ३९ हजार ७३८ कित्ता शेयर खरिद-बिक्री भएका छन्, जसको कुल कारोबार रकम रु ४.४८ अर्ब रहेको छ। सार्वजनिक सबै समूहका उपसूचकमा वृद्धि देखिएको छ, जसमा वित्त समूहको ३.५२ प्रतिशतको वृद्धि प्रमुख रहेको छ।
गार्डियन माइक्रोलाइफ इन्स्योरेन्सको शेयर मूल्यमा ९.५१ प्रतिशतको वृद्धि भएको छ भने अपर हेवाखोला हाईड्रोपावरको शेयर मूल्यमा ४.२६ प्रतिशतको गिरावट आएको छ। कारोबार रकमका आधारमा हिमालयन रि–इन्स्योरेन्स लिमिटेडको शेयरमा सबैभन्दा ठूलो कारोबार भएको छ।
प्रतिक्रिया