गोरखा । देशभरका ज्योतिष, वास्तु र तन्त्र शास्त्रविद्हरुको राष्ट्रिय सम्मेलन गोरखामा सम्पन्न भएको छ ।
यस सम्मेलनमा विद्वानहरूको विशेष सहभागीता रहेका थिए र यसमा विभिन्न विधामा प्रशिक्षण तथा ज्ञान साझा गरिएका थिए । सम्मेलनको प्रमुख अतिथि गण्डकी प्रदेश सरकारका मन्त्री मित्रलाल बस्याल रहेका थिए , र कार्यक्रममा गोर्खा नगरपालिका मेयर कृष्ण थापा लगायतका व्यक्तिहरूले शुभकामना व्यक्त गरेका थिए। सम्मेलनमा ज्योतिष, वास्तु र तन्त्र शास्त्रका विशिष्ट विद्वानलाई विभिन्न सम्मानपत्र र अवार्ड प्रदान गरिएको थियो। जसमा पोखराका चर्चित ज्योतिषी भवेश भट्टराईलाई विशेष सम्मान प्राप्त भयो।
उनलाई दक्षिण एसियाली ज्योतिष महासंघ गोरखनाथ अवार्ड र ज्योतिष अलंकारले सम्मानित गरियो। भवेश भट्टराई, जो म्याग्दीको मालिक गाउँपालिका-७, बिम अर्कलामा जन्मिएका थिए, विगत ८ वर्षदेखि पोखरामा ज्योतिष र वास्तु परामर्श गर्दै आएका छन्। उनी विश्वभरका नेपालीलाई अनलाइन माध्यमबाट पनि सेवा र परामर्श प्रदान गर्दै आएका छन्।
यस पुरस्कारले उनको योगदानको कदर मात्र होइन, समग्र ज्योतिष र वास्तु शास्त्र क्षेत्रको कार्यलाई उच्च सम्मानका लागि एक महत्वपूर्ण कदम साबित भएको छ । उनले पोखराको विन्ध्यवासिनी मन्दिरबाट आफ्नो ज्योतिष सेवा आरम्भ गरेका थिए र त्यसपछि विभिन्न राजनीतिक नेता, कलाकार र अन्य व्यक्तिहरूसँग परामर्श दिँदै आएका छन्। साथै, भवेश भट्टराई संस्कृत, ज्योतिष र वास्तु शास्त्रमा गहिरो अध्ययन गर्दै, पाङको पार्वती जन्म भूमि ज्योतिषका गुरुहरूको मार्गदर्शनमा सेवा प्रदान गर्दै आएका छन्।
उनले सम्पुर्णानन्द संस्कृत विश्वविद्यालय बनारसबाट अध्ययन गरेका थिए र विगत १३ वर्षदेखि ज्योतिष, वास्तु र रत्नको अनुसन्धान गर्दै, फेस र रिङिडको माध्यमबाट ज्योतिषी परामर्श पनि दिँदै आएका छन्। भवेश भट्टराईको योगदान र सम्मान, साथै उनको समर्पणले नेपाली समाजमा ज्योतिष र वास्तुको महत्त्वलाई अझ स्पष्ट र प्रकट गरेको छ।
प्रतिक्रिया