काठमाडौं । सरकारले अबको ३० दिनभित्र फेसबुक, ह्वाट्सएप, युट्युब, इन्स्टाग्राम, एक्स जस्ता सामाजिक सञ्जाल प्लेटफर्महरूलाई सूचीकरण नगरेमा नेपालमा सञ्चालनमा रोक लगाउने चेतावनी दिएको छ।
बिहीबार, सञ्चार तथा सूचना प्रविधि मन्त्रालयले ‘सामाजिक सञ्जालको प्रयोगलाई व्यवस्थित गर्ने सम्बन्धमा’ सूचना जारी गर्दै यस्तो अल्टिमेटम दिएको हो। हालसम्म भाइबर, टिकटक र विटोकमात्र सूचीकरण भई सञ्चालनमा छन्। मन्त्रालयले भनेको छ कि अन्य सबै सामाजिक सञ्जाल प्लेटफर्महरूले अबको ३० दिनभित्र सूचीकरण गराउनुपर्नेछ।
सूचीकरणका लागि प्लेटफर्महरूले नेपालमा सम्पर्क विन्दु, गुनासो सुन्ने अधिकारी, र स्वः नियमनको निगरानी गर्ने अधिकारीको व्यवस्था पनि गर्नुपर्नेछ। सूचनामा मन्त्रालयले स्पष्ट पारेको छ कि तोकिएको समयभित्र सूचीकरण नगरेमा दफा ३ को उपदफा (७) अनुसार सामाजिक सञ्जाल प्लेटफर्ममाथि नेपालभित्र रोक लगाउन सकिनेछ।
प्रतिक्रिया