काठमाडौं । भारतीय विद्धुतीय गाडी निर्माता टाटा ईभीको आधिकारिक विक्रेता सिप्रदी ट्रेडिङ प्रालिले नेपाली बजारमा कर्भ ईभीको टप भेरियन्ट सार्वजनिक गरेको छ ।
मंगलबार काठमाडौंमा आयोजित एक कार्यक्रमका बीच ‘टाटा ईभीः चार्जज्ड फर द फ्युचर’ सार्वजनीक भएको हो । सिप्रदीका प्रमुख कार्यकारी अधिकृत राजनबाबु श्रेष्ठ र टाटा मोटर्सका अन्तर्राष्ट्रिय बिजनेस हेड यश खंदेलवालले कर्भ ईभी सार्वजनिक गरेका हुन् । कम्पनीले टाटा कर्भ ईभीको टप भेरियन्ट मूल्य ५६ लाख ९९ हजार रुपैयाँ तोकेको छ ।
कार्यक्रममा कर्भ ईभीका साथै टाटाका नयाँ गाडीहरू नेक्सन केथ्री ईभी र टियागो ईभी २०२५ को मोडल पनि नेपालमा डेलिभरी सुरु भएको घोषणा गरिएको छ ।
के कस्ता छन् विशेषता ?
कम्पनीका अनुसार कर्भ ईभी टप भेरियन्ट टाटा ईभीको उन्नत पियोर ईभी आर्किटेक्चर–एक्टी ईभीमा आधारित छ ।
यसमा ५५ किलोवाट आवरको ब्याट्री प्याक र ९८ किलोवाट क्षमताको इलेक्ट्रीक मोटर रहेको छ । ५०० लिटरको बुट स्पेस र १८६ एमएमको ग्राउन्ड क्लियरेन्स भएकोले नेपाली बाटोमा सजिलै आरामदायी यात्रा गर्न सकिने छ । नेपाली बाटोमा सजिलै ३८० किलोमिटरको रेन्ज पाउन सकिन्छ ।
यसमा एडीएस लेभल २ को क्षमता, ६ वटा एयरब्याग, अल(व्हिल डिस्क ब्रेक, अटो होल्ड, हिल स्टार्ट डिसेन्ट असिस्ट, ३६० डिग्री क्यामेरा, आई(भीबीएस सहितको ईएसपी रहेको कर्भ ईभीले सुरक्षा र आराम दुवैको स्तरलाई बढाउने कम्पनीले जनाएको छ । गाडीमा ३१ दशमलव २४ सेन्टिमिटरको सिनेमाटिक टचस्क्रिन इन्फोटेन्मेन्ट, २६ दशमलव ०३ सेन्टिमिटरको डिजिटल ककपिट, भ्वाइस-असिस्टेड पानोरामिक सनरुफ, मल्टि-मुड एम्बियन्ट लाइटिङ, भेन्टिलेटेड सिट जस्ता विशेषताहरू रहेका छन् ।
यस एसयूभीमा सरल र सहज चार्जिङका लागि घरको भित्तामा जडान गर्न मिल्ने ७ दशमलव २ किलोवाट एसी र डीसी फास्ट चार्जिङको सुविधा रहेको छ । जसबाट १० दशमलव ८० प्रतिशत चार्ज ४० मिनेटमा पूरा हुने कम्पनीको दाबी छ ।
प्रतिक्रिया