सामान्य अंकले बढ्यो नेप्से, ११ अर्ब ८ करोड बढीको कारोबार

काठमाडौं । साताको दोस्रो कारोबारको दिन सोमबार सेयर बजार परिसूचक (नेप्से) सामान्य अंकले बढेको छ ।

आज नेप्से ३ दशमलव ३५ अंकले बढेर २ हजार ७ सय ५८ दशमलव ७५ विन्दुमा कायम भएको हो । आज २ करोड ११ लाख १० हजार ६ सय १९ कित्ता शेयरको खरिद बिक्री हुँदा ११ अर्ब ८ करोड ५४ लाख ६४ हजार रुपैयाँको कारोबार भएको छ ।अघिल्लो कारोबारका दिन आइतबार मात्रै ११ दशमलव ६६ अङ्कले बढेको नेप्से २ हजार ७ सय ५५ दशमलव ४० को विन्दुमा बन्द भएको थियो ।

आज गुराँस माइक्रो लाइफ इन्स्योरेन्सका लगानीकर्ताहरूले सर्वाधिक नाफा कमाएका छन् । विन नेपाल लघुवित्त वित्तीय संस्थाका लगानीकर्ताहरूले सर्वाधिक गुमाएका छन् । आज यस लघुवित्तको शेयर मूल्य १० प्रतिशतले घटेको छ ।

कारोबारका आधारमा हिमालयन रिइन्स्योरेन्स ८९ करोड ३५ लाख ३८ हजार रुपैयाँको कारोबार सहित शीर्ष स्थानमा रहेको छ ।