काठमाडौं । साताको तेस्रो कारोबारको दिन मंगलबार सेयर बजार परिसूचक (नेप्से) अघिल्लो दिनको तुलनामा १२ दशमलव ६८ अंकले बढेको छ ।
आज नेप्से २ हजार ७ सय ४० विन्दुमा पुगेर रोकिएको छ । नेप्से परिसूचक बढेसँगै आज कारोबार रकम समेत बढेको छ । आज १० अर्ब ४३ करोडको भएको छ । ८७ कम्पनीको मूल्य बढ्दा १४९ को घट्यो भने ८ को स्थिर रह्यो । यस दिन अन्य समूह सबैभन्दा धेरै ३।६७ प्रतिशत बढ्यो ।
यो सेक्टरमा सूचीकृत दुई पुनर्बीमा कम्पनी हिमालयन रिइन्स्योरेन्स र नेपाल पुनर्बीमाको मूल्य क्रमशः ६ दशमलव ८ र ४ दशमलव ३ प्रतिशतले बढ्दा समग्र सेक्टरमा उल्लेख्य वृद्धि देखिएको हो । साथै सो सेक्टरका नेपाल वेयरहाउजिङ, नेपाल टेलिकम, मुक्तिनाथ कृषि कम्पनीको मूल्य पनि बढ्यो ।
बैंकिङ ० दशमलव २२, लगानी १ दशमलव २४, जीवन बीमा १ दशमलव ७४, निर्जीवन बीमा ० दशमलव ३० र व्यापार समूह ० दशमलव ४१ प्रतिशत बढे । विकास बैंक सेक्टर सबैभन्दा धेरै १ दशमलव ७४ प्रतिशत घट्यो । फाइनान्स १ दशमलव ५, होटल तथा पर्यटन १ दशमलव ०४, हाइड्रोपावर ० दशमलव १३, उत्पादन ० दशमलव ०६, माइक्रोफाइनान्स ० दशमलव ७९ प्रतिशत घटे । सप्तकोशी विकास बैंकको मूल्य १० प्रतिशत घट्यो ।
भूगोल इनर्जीको ८ दशमलव ९५, एक्सल डेभलपमेन्टको ५ दशमलव ९९ र बोटलर्स नेपाल बालाजुको मूल्य ५ दशमलव ८ प्रतिशत घट्यो ।
प्रतिक्रिया