दोहोरो अंकले बढ्यो नेप्से, ९ अर्ब ४७ करोड बढीको कारोबार

काठमाडौं । साताको पहिलो कारोबारको दिन आइतबार सेयर बजार परिसूचक (नेप्से) दोहोरो अंकले बढेको छ ।

आज नेप्से १९ दशमलव ५६ अंकले बढेर २ हजार ६ सय ९८ विन्दुमा कायम भएको हो । यस दिन बजारमा २ करोड ९ लाख ८४ हजार ४४० कित्ता शेयरको खरिदबिक्री हुँदा ९ अर्ब ४७ करोड ३ लाख ८ हजार रुपैयाँको कारोबार भएको छ ।कारोबारमा आएका १७६ कम्पनीको सेयर उकालो लागेको छ भने ६३ कम्पनीको सेयर घटेको छ ।

यस्तै ४ कम्पनीको सेयर मूल्य स्थिर रहेको छ । कारोबारका आधारमा आज हिमालयन पावर पार्टनरले सर्वाधिक ३३ करोड एनआरएन इन्फ्राइन्सटक्चरले ३१ करोड र सीइडिबि होल्डीङले ३० करोडको कारोबार गर्यो ।

त्यस्तै, न्यादी हाइड्रोपावर लिमिटेडको शेयर मूल्य सर्वाधिक १० प्रतिशतले घटेको छ ।