६ दशमलव ५४ अंकले बढ्यो नेप्से, ७ अर्ब बढीको कारोबार

काठमाडौं । साताको तेस्रो कारोबारको दिन मंगलबार सेयर बजार परिसूचक नेप्से बढेको छ ।

अघिल्लो दिनको तुलनामा नेप्से ६ दशमलव ५४ अंकले बढेर २ हजार ६ सय ८३ विन्दुमा कायम भएको छ । कारोबार रकम पनि केही बढेको छ । आज ७ अर्ब २४ करोडको कारोबार भएको छ । १३४ कम्पनीको मूल्य बढ्दा ९८ को घट्यो भने ११ को स्थिर रह्यो । यस दिन विकास बैंक सेक्टर सबैभन्दा धेरै २ दशमलव ३७ प्रतिशत बढ्यो ।

हाइड्रोपावर १ दशमलव ५७, लगानी ० दशमलव ४८ तथा उत्पादन ० दशमलव ०१ प्रतिशत बढे । व्यापार समूह सबैभन्दा धेरै १ दशमलव ०५ प्रतिशत घट्यो ।

अन्य ० दशमलव ०१, निर्जीवन बीमा ० दशमलव ४३, माइक्रोफाइनान्स ० दशमलव ०४, जीवन बीमा ० दशमलव ०८, होटल तथा पर्यटन ० दशमलव ४७, फाइनान्स ० दशमलव २९ तथा बैंकिङ ० दशमलव २० प्रतिशत घटेको छ ।