काठमाडौं । साताको तेस्रो कारोबारको दिन मंगलबार सेयर बजार परिसूचक (नेप्से) दोहोरो अंकले घटेको छ ।
मंगलबार नेप्सेमा आठ अर्ब ९१ करोड ९६ लाख ९७ हजारबराबरको सेयर कारोबार हुँदा नेप्से १४ दशमलव ८ अंकले घटेको हो । मंगलबारको सेयर कारोबारमा १६२ वटा कम्पनीको सेयर मूल्यमा गिरावट आएको छ भने ७१ वटा कम्पनीको सेयर मूल्य वृद्धि भएको छ । त्यस्तै, नौवटा कम्पनीको सेयर मूल्य भने स्थिर रहेको छ ।
आजको कारोबारमा जलविद्युत् क्षेत्र र अन्य सूचकबाहेक सबै सूचकहरू नकारात्मक रहेसँगै नेप्से २७१५ दशमलव ९१ विन्दुमा आइपुगेको छ ।
आज नेप्से परिसूचक घटेको दिन जोशी हाइड्रोपावर डेभलपमेन्टका सेयर कारोबारीले आज सबैभन्दा धेरै नाफा आर्जन गरेका छन् ।
प्रतिक्रिया