काठमाडौं। नेपाल आइसिसी यु–१९ विश्वकपबाट बाहिरिएको छ ।
बुधबार भएको समूह डी को अन्तिम खेलमा अस्ट्रेलियासँग ८३ रनले पराजित हुँदै नेपाल बाहिरिएको हो । अस्ट्रेलियाले दिएको १४० रनको लक्ष्य पछ्याएको नेपालले निर्धारित २० ओभरमा आठ विकेट गुमाउँदै ५६ रन मात्रै बनायो । नेपालको तर्फबाट कप्तान पूजा महतोले सर्वाधिक १८ रन बनाइन् ।
कप्तान महतो बाहेक कुनै ब्याटरले दोहोरो अंकमा रन बटुल्न सकेनन् । अस्ट्रेलियाका हसरत गिल, जुलिएट मोर्टन र लिली बासिङ्थवेइटले समान दुई विकेट लिएका थिए भने क्लो आइन्सवर्थले एक विकेट लिएकी थिइन् । समूहबाट अस्ट्रेलिया शीर्ष स्थानमा रहँदै सुपर सिक्समा पुगेको छ । अस्ट्रेलियाले तीन खेलबाट ६ अंक जोड्यो ।
यस्तै, बंगलादेश र स्कटल्यान्डले पनि सुपर सिक्समा स्थान बनाएका छन्।
प्रतिक्रिया