काठमाडौं । मलेसियामा भइरहेको आईसीसी यू-१९ महिला विश्वकप क्रिकेट अन्तर्गत जारी खेलमा अस्ट्रेलियाले नेपाललाई १ सय ४० रनको लक्ष्य दिएको छ ।
मलेसियाको बाङ्गीमा रहेको यूकेएम क्रिकेट मैदानमा टस जितेर ब्याटिङ गरेको अस्ट्रेलियाले २० ओभरमा ६ विकेट गुमाएर १ सय ३९ रन बनायो । अस्ट्रेलियाकी काओइम्हे ब्रेले ४५ रन बनाइन् । नेपालकी कप्तान पूजा महतोले ३, सिमाना केसीले २ र रिया शर्माले १ विकेट लिइन् ।
नेपाल पहिलो खेलमा बङ्गलादेशसँग ५ विकेट र दोस्रो खेलमा स्कटल्यान्डसँग १ विकेटले पराजित भएको थियो ।
यसअघि २ खेलमा पराजित नेपाललाई सुपर सिक्स मा पुग्न समूह चरणको यो अन्तिम खेल जित्नुपर्ने हुन्छ ।
प्रतिक्रिया