काठमाडौं । मलेसियामा जारी यू-१९ महिला टी-२० विश्वकप अन्तर्गत आज भएको आफ्नो दोस्रो खेलमा समेत नेपाल पराजित भएको छ ।
नेपाल आज नेपाल आज स्कटल्याण्डसँग एक विकेटले पराजित हुदै प्रतियोगितामा लगातार दोस्रो हार बेहोरेको हो । नेपालले दिएको ७४ रनको लक्ष्य पछाएको स्कटल्याण्डले १८ दशमलव ४ ओभरमा ९ विकेट गुमाउदै लक्ष्य पुरा गरेको थियो । यस अघि नेपालले टस जितेर पहिला ब्याटिंग गर्दै १८ दशमलव ५ ओभरमा अल आउट हुदै ७३ रन बनाएको थियो ।
यो जितपछि स्कटल्याण्डको २ खेलमा २ अंक भएको छ भने नेपालले दुवै खेलमा हार बेहोरेर समुह डी मा पुछारमा रहेको छ ।
अब नेपालले आफ्नो समुह चरणको अन्तिम खेल जनवरी २२ मा अस्ट्रेलियासँग खेल्ने तालिका रहेका छन् ।
प्रतिक्रिया