काठमाडौं । भारतको नयाँ दिल्लीमा जारी प्रथम खो-खो विश्वकप प्रतियोगितामा नेपालको महिला टोली फाइनलमा प्रवेश गरेको छ ।
शनिबार इन्दिरा गान्धी स्पोर्ट्स कम्प्लेक्समा भएको सेमिफाइनल खेलमा युगान्डाविरुद्धको पराजित गर्दै नेपालले फाइनलमा आफ्नो स्थान पक्का गरेको हो । नेपाली महिला टिमले ८९–१८ स्कोरमा सफलता पाएको थियो । नेपाल अपराजित रहँदै फाइनल पुगेको छ ।
फाइनलमा नेपालले आयोजक भारत र दक्षिण अफ्रिकाबीच हुने दोस्रो सेमिफाइनल विजेतासँग उपाधिका लागि प्रतिस्पर्धा गर्नेछ । समूह ‘सी’ मा नेपालले जर्मनीलाई ७४–३४ ले, भुटानलाई ८३–२४ ले, श्रीलंकालाई ११०–१० ले र बंगलादेशलाई ८३–२४ ले हराएको थियो ।
क्वाटरफाइनलमा नेपालले इरानमाथि १०३–८ को जित पाएको थियो ।
प्रतिक्रिया