सामान्य अंकले बढ्यो नेप्से, अधिकांश कम्पनीको मूल्य घट्यो

काठमाडौं । साताको अन्तिम कारोबारको दिन बिहीबार सेयर बजार परिसूचक (नेप्से) सामान्य अंकले बढेर रोकिएको छ ।

आज नेप्से परिसूचक २ हजार ६ सय ३० मा पुगेर रोकिएको छ । आज २ करोड कित्ता सेयर किनबेच हुँदा ५ अर्ब ३२ करोडको कारोबार भयो । कारोबारमा आएका १ सय ६३ कम्पनीको सेयर घट्दा ७० कम्पनीको सेयर बढ्यो । यस्तै ९ कम्पनीको सेयर स्थिर रह्यो । कारोबार रकमका आधारमा आज प्रभु बैंकले सर्वाधिक ५० करोडको कारोबार गर्यो ।

आज आत्मनिर्भर लघुवित्त र सपोर्ट माइक्रो फाइनान्सको सेयर १० प्रतिशतले बढ्दा कर्पोरेट डेव्लपमेन्ट, नारायणी डेव्लपमेन्ट र सिन्दुविकाश बैंकको सेयर १० प्रतिशतले घट्यो । यस्तै जोशी हाइड्रो र सप्तकोशि डेव्लपमेन्टको सेयर मूल्य ९ प्रतिशतले घट्यो ।