एनपीएल पहिलो सिजनको उपाधि जनकपुर बोल्ट्सलाई

काठमाडौं । नेपाल प्रिमियर लिग (एनपीएल) पहिलो सिजनको उपाधि जनकपुर बोल्ट्सले हात पारेको छ ।

शनिबार भएको फाइनल खेलमा सुदूरपश्चिम रोयल्सलाई ५ विकेटले पराजित गर्दै जनकपुरले उपाधि उचालेको हो । सुदूरपश्चिमले दिएको १ सय ८५ रनको लक्ष्य पछ्याएको जनकपुरले निर्धारित २० ओभरमा ५ विकेटको क्षतिमा लक्ष्य पुरा गरेको हो । जनकपुरका जितका लागि लाहिरु मिलान्थाले सर्वाधिक ८७ रनको योगदान गरेका थिए ।

उनले ४९ बल खेल्दै ९ चौका र ४ छक्काको मद्दतमा ८७ रन बनाएका हुन् ।