२४ घण्टा…

जिन्दगी कति नै छ र ?
भाग्यले बाँचियो भने
मात्र १० दशक
नत्र त…
केही दशक
७ या ८
सबैले माया गरे
९
तर माया गर्ने
सँधै कहाँ बाँच्छन्
यसो सोच्नुस त
अब कति दशक बाँकी होला…
अफसोस
हामीलाई
सोच्ने फुर्सद नै छैन्
जिन्दगीको भागदौडमा फुर्सद मिले
पो
अं बुढेसकालको लागि कमाउनु छ
कसको लागि ?
तिम्लाई
तिम्रो बाजेले कमाएर राखेका थिए र ?
फेरि किन काम गर्छौँ ?
पुग्यो ? कमाउन पुगेकै छैन
गाह्रो छ है
अनि
हाँस्न नी ?
मनै देखि रमाउन
पछिल्लोपटक आत्मैबाट कहिले हाँस्नु
भयो ?
मन पर्ने मान्छेसँग
समय नतौली कहिल्लै बोल्नु भयो ?
सुन्दा एक्लै हुँदा पनि मुस्कुराउने गीतमा कहिले नाँच्नु भयो ?
नढाँटी भन्नुस त
आफूले फेरेको श्वास कहिले सुन्नु
भयो ?
एक्लै
केही पनि नगरि
आफ्नै लागि भनेर
२४ घण्टा कहिल्यै बिताउनु भो ?