काठमाडौं । जारी नेपाल प्रिमियर लिग (एनपीएल) अन्तर्गत शनिबार बिहान भएको खेलमा काठमाडौं गुर्खाजले पोखरा एभेन्जर्समाथि सानदार जित निकालेको छ ।
त्रिवि क्रिकेट मैदानमा भएको खेलमा काठमाडौंले पोखरालाई ६ विकेटले पराजित गरेको हो । यो जितसँगै काठमाडौंको प्लेअफ सम्भावना कायमै रहेको छ । यत, पोखरा भने प्लेअफ दौडबाट बाहिरिएको छ । पोखराले दिएको १ सय ३९ रनको लक्ष्य काठमान्डुले १४ दशमलव १ ओभरमा ४ विकेट गुमाउँदै पूरा गर्यो ।
काठमाडौंका लागि स्टिफन एस्किनाजीले अर्धशतकीय पारी खेले । उनले बलमा १० चौका प्रहार गर्दै ६० रन बनाए । माइकल लेभिटले ३२ र भीम सार्कीले २२ रन बनाए । पोखराका लागि विपिन खत्री र माइकल लिस्कले १–१ विकेट लिए ।
यसअघि कीर्तिपुरस्थित त्रिवि अन्तर्राष्ट्रिय क्रिकेट मैदानमा पहिले ब्याटिङ गरेको पोखराले पूरै ओभर खेलेर ८ विकेटको क्षतिमा १ सय ३८ रन बनाएको थियो ।
प्रतिक्रिया