दोहोरो अंकले घट्यो नेप्से परिसूचक, कारोबार रकम भने बढ्यो

काठमाडौं । साताको अन्तिम कारोबारको दिन बिहीबार सेयर बजार परिसूचक (नेप्से) दोहोरो अंकले घटेको छ ।

आज नेप्से परिसूचक ३३ दशमलव ४२ अंकले घट्न पुगेको हो । आज नेप्से परिसूचक घटेपनि कारोबार रकम भने घटेको छ । बुधबार ५ अर्ब ५ करोड बराबरको कारोबार भएको थियो भने आज कारोबार रकम ६ अर्ब ५७ करोड ९ लाख ६२ हजार २ सय ५८ रहेको छ ।

यसदिन ३०४ स्क्रिप्सको १ करोड २२ लाख ५९ हजार ९९२ कित्ता सेयर किनबेच भएको छ । आज जानकी फाइनान्स समूहका लगानीकर्ताले सर्वाधिक गुमाए। सो कम्पनीको सेयर ९ दशमलव ९९ प्रतिशतले घट्यो। कारोबार रकमका आधारमा जानकी फाइनान्स शीर्ष स्थानमा रह्यो।

सो कम्पनीको २४ करोड मूल्य बराबरको सेयर कारोबार भयो। कारोबारमा आएकामध्ये ४० स्टक्सको मूल्य बढ्दा २०४ वटाको घट्यो। दुई समूहको उपसूचक बढ्दा अन्यको घट्यो।

मनु एण्ड प्रो र म्यु्चुअल फण्डको उपसूचक बढ्दा अन्यको घटेको हो।