एनपीएल विशेषः रोकियो जनकपुरको अपराजित यात्रा, सुदूरपश्चिमको सानदार जित

काठमाडौं । जारी नेपाल प्रिमियर लिग (एनपीएल) मा बुधबार भएको खेलमा सुदूरपश्चिम रोयल्सले जनकपुर बोल्ट्सलाई ७२ रनले पराजित गरेको छ ।

यो सँगै जनकपुरको अपराजित यात्रामा ब्रेक लागेको छ । सुदूरपश्चिमले दिएको १ सय २४ रनको लक्ष्यमा जवाफी ब्याटिङ गरेको जनकपुर १२ दशमलव १ ओभरमा ५१ रन बनाएर अलआउट भयो । जनकपुरका लागि जोशुआ ट्रोम्पले रन बनाए । अन्य खेलाडीले दोहोरो अंक छुन सकेनन् ।

सुदूरपश्चिमका लागि भने कप्तान दीपेन्द्रसिंह ऐरी र इशान पाण्डेले २–२ तथा हर्मित सिंह, सैफ जैब, र नरेन साउदले १–१ विकेट लिए । यसअघि ब्याटिङ गरेको सुदूरपश्चिमले पूरै ओभर खेलेर ९ विकेटको क्षतिमा १ सय २३ रन बनाएको थियो । सुदूरपश्चिमका लागि विनोद भण्डारीले ३३ र सैफ जैबले २१ रन बनाए ।

इशान पाण्डेले १७ र ब्राण्डन म्याकमुलनले ११ रन बनाए । अन्य खेलाडीले दोहोरो अंक छुन सकेनन् ।