काठमाडौं । जारी नेपाल प्रिमियर लिग अन्तर्गत शनिबार (आज) हुने दोस्रो खेलमा सोमपाल कामी नेतृत्वको कर्णाली याक्स र सन्दीप लामिछाने नेतृत्वको विराटनगर किंग्स भिड्दैछन् ।
त्रिवि क्रिकेट मैदानमा हुने उक्त खेल आज दिउँसो १ बजेर १५ मिनेटमा सुरु हुनेछ । जारी एनपीएलमा कर्णालीले तीन खेल खेलेको छ । जसमा दुई वटामा पराजित हुँदा एक खेल भने जितेको छ । यस्तै तीन खेल खेलेको विराटनगरले पनि यसअघि दुई खेलमा हार भोग्दै एक खेल जितेको थियो ।
कीर्तिपरको त्रिवि मैदानमा मंसिर १५ गतेदेखि जारी एनपीएलमा दुवै टोलीको यो चौथो खेल हो । आज दुवै टोली तेस्रो खेलमा निस्किएको जितलाई निरन्तरता दिन चाहन्छन् ।
प्रतिक्रिया