लुम्बिनीको विष्फोटक ब्याटिङ, विराटनगरलाई दियो १ सय ९२ रनको लक्ष्य

काठमाडौं । जारी नेपाल प्रिमियर लिग (एनपीएल) अन्तर्गत चौथो दिनको दोस्रो खेलमा लुम्बिनी लायन्सले विराटनगर किंग्सलाई १ सय ९२ रनको लक्ष्य दिएको छ ।

त्रिवि क्रिकेट मैदानमा जारी खेलमा लुम्बिनीले निर्धारित २० ओभरमा ७ विकेटको क्षतिमा १ सय ९१ रन बनाएको थियो । यो जारी एनपीएलका लागि हालसम्मकै उच्च स्कोर हो । लुम्बिनीका लागि कप्तान रोहितकुमार पौडेलले सर्वाधिक ४६ रन बनाए । उनले २९ बलमा ४ चौका र २ छक्का प्रहार गरे ।

टम मुर्सले ३०, अर्जुन साउद १७, आशुतोष घिरैया १५ र सन्दीप जोरा १२ रनमा आउट भए । विराटनगरका लागि इस्मत आलम, सन्दीप लामिछाने र राजेश पुलामीले १–१ विकेट लिए ।