काठमाडौं । एसीसी यू–१९ एसिया कप क्रिकेटमा नेपालले अफगानिस्तानलाई हराउँदै सान्त्वना जित हासिल गरेको छ ।
शारजाह क्रिकेट स्टेडियममा मंगलबार भएको खेलमा नेपालले अफगानिस्तानलाई १ विकेटले पराजित गरेको हो । अफगानिस्तानले दिएको १ सय २४ रनको लक्ष्य नेपालले ४१ दशमलव ३ ओभरमा ९ विकेट गुमाउँदै पूरा गरेको थियो । नेपालका लागि नरेन साउदले २६ रन जोडे भने कप्तान हेमन्त धामीले अविजित रहँदै २२ रनको यागदान दिए ।
यस्तै अर्जुन कुमालले २१ रन बनाउँदा अभिषेक तिवारीले १३ रन जोडे । अन्य खेलाडीले दोहोरो अंक छुन सकेनन् । अफगानिस्तानका लागि खातिर खान स्तानिकजाई र अल्लाह गजन्फरले ३–३ विकेट लिए ।
यसअघि टस हारेर ब्याटिङ थालेको अफगानिस्तान ३५ दशमलव ४ ओभरमा १ सय २३ रनमा अलआउट भएको थियो ।
प्रतिक्रिया