काठमाडौं। एसिसी यु–१९ एसिया कपमा नेपाल एक खेल अगावै बाहिरिएको छ ।
आइतबार बंगलादेशसँग पाँच विकेटले पराजित भएसँगै नेपाल प्रतियोगिताबाट बाहिरिएको हो। नेपालले दिएको १ सय ४२ रनको लक्ष्य बंगलादेशले २८ दशमलव ४ ओभरमा ५ विकेटको क्षतिमा भेट्टायो । जवाद अबरारले ५९ तथा कप्तान अजिजुल हाकिमले अविजित ५२ रन बनाए । नेपालका युवराज खत्रीले ४ विकेट लिए भने कप्तान हेमन्त धामीले १ विकेट लिए ।
त्यसअघि टस हारेर ब्याटिङको निम्तो पाएको नेपाल ४५ दशमलव ४ ओभरमा १ सय ४१ रनमा समेटियो । नेपाल पहिलो खेलमा श्रीलंकासँग ५५ रनले पराजित भएको थियो ।
अब अफगानिस्तानसँग मंगलबार खेल्ने छ ।
प्रतिक्रिया