काठमाडौं। ब्लाइन्ड टी–२० विश्वकप क्रिकेटमा नेपालको यात्रा सेमिफाइनलमा पुगेर रोकिएको छ ।
आइतबार भएको सेमिफाइनल खेलमा नेपाल पाकिस्तानसँग १० विकेटले पराजित भएको हो । नेपालले दिएको ९५ रनको लक्ष्य पाकस्तिानले ५ दशमलव ३ ओभरमा कुनै विकेट नगुमाइ पूरा गर्यो । पाकिस्तानका लागि कमरन अख्तरले ६३ र बाबर अलीले ३२ रन बनाएका थिए ।
यसअघि टस हारेर ब्याटिङको निम्तो पाएको नेपालले २० ओभरमा सात विकेट गुमाएर ९४ रन मात्रै बनाउन सफल भएको थियो । नेपालका लागि दुर्गादत्त पौडेलले सर्वाधिक ४० रन बनाएका थिए । । यस्तै पाकिस्तानका मती उल्लाहले ३ विकेट लिएका थिए । सन् २०१२ देखि नेत्रहीन टी–२० विश्वकपमा सहभागी हुँदै आएको नेपाल पहिलो पटक सेमिफाइनलमा पुगेको थियो ।
लिग चरणमा २ खेलमा जित निकाल्दै ४ अंक जोडेको नेपाल भारतसँगको खेलमा वाकओभरमार्फत पाएको ६ अंकसहित शीर्ष चारमा रहँदै सेमिफाइनलमा स्थान बनाउन सफल भएको थियो । यसअघि लिग चरणमा पाकिस्तानसँग १० विकेट, श्रीलंकासँग ७० रन र बंगलादेशसँग ६७ रनले पराजित भएको थियो ।
यस्तै लिग चरणकै बाँकी दुई खेलमा अफगानिस्तानलाई १ सय ८ रन र दक्षिण अफ्रिकालाई ११ रनले पराजित गर्न सफल भएको थियो
प्रतिक्रिया