काठमाडौं । नेपाल प्रिमियर लिग (एनपीएल) क्रिकेटका लागि नेपाल क्रिकेट संघ क्यानले टिकट निर्धारण गरेको छ।
क्यानले प्रतियोगिताका लागि साधारण, भाइपी तथा सिजनलअनुसार फरक–फरक मूल्य निर्धारण गरेको हो। क्यानका अनुसार पहिलो दिन अर्थात् उद्घाटनको दिनमा जनरलतर्फको टिकट मूल्य ३०० रुपैंयाँ तोकिएको छ भने भीआईपीतर्फको टिकट मूल्य ७०० रुपैयाँ तोकिएको छ।
त्यसैगरी लिग चरणको अन्य दिनका खेलहरूमा जनरलतर्फको टिकट मूल्य ३०० र भीआईपी टिकटको मूल्य ५०० रुपैयाँ तोकिएको छ। प्लेअफका खेलहरूमा जनरल टिकट ५०० रुपैयाँ र भीआईपी टिकट ७०० रुपैयाँको हुनेछ। त्यस्तै, फाइनल खेलमा जनरल टिकट ५०० र भीआईपी टिकट १००० रुपैयाँको हुनेछ।
त्यसैगरी क्यानले सिजनल पासको पनि व्यवस्था गरेको छ, जसमा २० प्रतिशत छुट दिइएको छ। प्रतियोगिता भरीलाई हुने उक्त टिकटको जनरलतर्फ ४ हजार ४८० रुपैयाँ र भीआईपी तर्फ ८ हजार २४० तोकिएको छ।
प्रतिक्रिया