काठमाडौं। नेपालको लागि टिभीएस मोटरको आधिकारिक वितरक जगदम्बा मोटर्सले आफ्नो इलेस्ट्रिक स्कुटर टिभीएस आइसक्युबको २.२ किलोवाट आवर भेरियन्ट सार्वजनिक गरेको छ।
यस नयाँ भेरिएन्टको आगमनसँगै अब नेपालमा टीभीएस आईक्युबका ३ वटा भेरिएन्टहरु ६ आकर्षक रङहरुमा उपलब्ध हुनेछन् । जगदम्बा मोटर्सले एकै पटक १ लाख ३० हजार रुपैयाँले मूल्य घटाएर नयाँ भेरियन्ट आइक्यूब २.२ नेपाली बजारमा ल्याएको हो । २.२ किलोवाट आवरको नयाँ भेरिएन्टको शुरुवाती मूल्य २ लाख ९९ हजार ९ सय रुपैयाँ रहेको छ ।
जगदम्बा मोटर्सका अनुसार नयाँ भेरियन्टमा रहेको २.२ किलोवाट ब्याट्रीलाई २ घन्टामा ८० प्रतिशतसम्म चार्ज गर्न सकिने छ । यसलाई एकपटक फुलचार्ज गरेर ७५ किलोमिटरसम्म गुडाउन मिल्ने कम्पनीको दाबी छ । यसमा रहेको ब्याट्रीमा कम्पनीले २ वर्षको वारेन्टी दिएको छ । यस बीचमा ब्याट्रीमा कुनै खराबी भए एकै दिनमा रिप्लेस गर्ने कम्पनीले जानकारी दिएको छ ।
कूल तौल ११० केजी भएको यो स्कुटरमा १५७ एमएम ग्राउन्ड क्लियरेन्स पाउन सकिन्छ । कम्पनीले स्कुटरमा ट्युबलेस टायर दिएको छ भने यसमा अधिकतम टर्क १४० न्युटनमिटर पाउन सकिन्छ । वाटर एन्ड डस्टर रेसिस्टेन्समा यसले आईपी ६७ सेटिङ पाएको छ भने पाँच इन्चको कलर टीईएफ स्क्रिन स्कुटरमा राखिएको छ ।
साथै स्कुटरमा ३० लिटरको अन्डर सिट स्टोरेज पनि भएको कम्पनीको दाबी छ ।
प्रतिक्रिया