काठमाडौं । कप्तान पूजा महतोको शतकमा जारी महिला यु १९ टि ट्वान्टी विश्वकप छनोटमा नेपालले कुवेतलाई २ सय १४ रनको विशाल लक्ष्य दिएको छ।
युएईको अजमानमा जारी खेलमा प्रतियोगितामा नेपालकी कप्तान पूजा महतोले कीर्तिमानी शतक पूरा गरेकी हुन्। टस जितेर पहिले ब्याटिङ गरेको नेपालले निर्धारित २० ओभरमा २ विकेट गुमाएर २१३ रनको योगफल तयार पारेको हो । नेपालका लागि महतोले ६९ बलमा १७ चौकाको सहयोगमा नट आउट रहँदै १३० रन बनाइन्।
यसैगरी सोनी पाख्रिनले ४३ रन, सावित्री धामीले ११ रन, साना प्रविनले ६ रनको योगदान गरिन् । कुवेतका लागि कप्तान जिफा जिलानी र मारिना डि सोजाले १र१ विकेट लिए ।
प्रतिक्रिया