काठमाडौं । द हङकङ सिक्सेसको क्वार्टरफाइनलमा नेपाल श्रीलंकासँग ४० रनले पराजित भएको छ ।
लिग चरणमा इंल्यान्ड र अस्ट्रेलियालाई पराजित गर्दै क्वार्टरफाइनलमा पुगेर बाहिरिएको छ । १ सय २४ रनको लक्ष्य पछ्याएको नेपाल ५ ओभरमा ८३ रनमा अलआउट भयो। रसिद खानले १८ बलमा ८ छक्का र एक चौकाको मद्दतमा ५५ रन बनाएपनि जित भने दिलाउन सकेनन्। नारायण जोशीले १३ रन बनाए।
अन्यले दोहोरो अंकको स्कोर छुन सकेनन्। नेपाललाई कम योगफलमा समेट्न लिहिरु समाराकुन र थारिन्डु रथनायाकेले समान २ विकेट लिए। पहिला ब्याटिङ गरेको श्रीलंकाले निर्धारित ६ ओभरमा २ विकेट गुमाएर १ सय २३ रन बनाएको थियो।
उसका लागि सदुन विराकोडीले ५० रन बनाए।
प्रतिक्रिया