काठमाडौं । जारी द हङकङ सिक्सेसमा नेपालले अस्ट्रेलियालाई १ सय १२ रनको लक्ष्य दिएको छ ।
नेपालले निर्धारित ६ ओभरमा २ विकेट गुमाएर १११ रन बनाउँदै अस्ट्रेलियालाई ११२ रनको लक्ष्य दिएको हो । नेपालका लागि कप्तान जोराले १६ बलमा अर्धशतक बनाए । अर्धशतक बनाएपछि रिटायर्ड हुनुपर्ने नियमअनुसार उनले मैदान छाडेपछि विवेक यादव मैदानमा आएका थिए । बमले १३ बलमा ३३ रन बनाए ।
विवेकले ४ बलमा १२ रन बनाए । यसअघि शुक्रबार इंग्ल्यान्डलाई पराजित गरेपछि नेपाल क्वार्टरफाइनलमा पुगिसकेको छ ।
आजै दिउँसो श्रीलंकासँग नेपालले क्वार्टरफाइनल खेल्नेछ ।
प्रतिक्रिया