साफ महिला च्याम्पियनसिपः भारतको विजयी सुरुवात

काठमाडौं । दक्षिण एसियाली फुटबल महासंघ (साफ) महिला च्याम्पियनसिपमा भारतले विजयी सुरुवात गरेको छ ।

बिहीबार त्रिपुरेश्वरस्थित दशरथ रंगशालामा भएको उद्‌घाटन खेलमा पाकिस्तानलाई ५–२ गोलअन्तरले पराजित गर्दै भारतले प्रतियोगितामा विजयी सुरुवात गरेको हो । भारतलाई जित दिलाउन ग्रेस डाइङमेइले २ तथा बाला देवी, मनिसा र ज्योति चौहानले समान १–१ गोल गरे । पाकिस्तानका लागि सुहा हिरानी र केइला मारी सिद्धिकीले गोल गरेका थिए ।

खेलमा सुरुवाती अग्रता भारतले नै लिएको थियो । पहिलो हाफमा ४–१ गोलअन्तरको अग्रता लिएको भारतले दोस्रो हाफमा थप एक गोल गर्दा एक गोल भने खान पुगेको थियो ।

खेलको ४७औँ मिनेटमा पाकिस्तानकी केइला मारी सिद्धिकीले गोल गर्दै भारतको अग्रता ४–२ मा झारेकी थिइन् ।