काठमाडौं । एभरेष्ट महिला भलिबल लिग अन्तर्गत आजै भएको दोस्रो खेलमा कर्णाली यशविसले मधेश युनाइटेडलाई ३–१ सेटले पराजित गरेको छ ।
कर्णालीले पहिलो सेट २५–१५ र दोस्रो सेट २५–२० ले जितेको थियो भने मधेशले तेस्रो सेट २८–२६ ले जितेको थियो । त्यस्तै चौथो सेट कर्णालीले २५–११ ले जितेर खेल आफ्नो पक्षमा पार्न सफल भएको थियो । एभरेष्ट महिला भलिबल लिग अन्तर्गत आजै भएको पहिलो खेलमा ललितपुर क्विन्सले काठमाडौं स्पाईकर्सलाई ३–१ को सेटमा पराजित गरेको थियो ।
इन्फिनिटी ड्रिम्स प्रालिको आयोजनामा नेपाली भलिबल इतिहासमै पहिलो पटक भइरहेको प्रतियोगितामा ६ फ्रेन्चाइज टोली सहभागी छन्।
प्रतिक्रिया