काठमाडौं । आइसिसी क्रिकेट विश्वकप लिग–२ सिरिज अन्तर्गत नेपाल र ओमानबीचको खेल वर्षाले गर्दा रद्द भएको छ ।
क्यानडाको ओन्टारियोस्थित किंग सिटी स्टेडियममा मङ्गलवार राति हुनुपर्ने खेल वर्षाका कारण हुन नसकेपछि रद्द भएको हो । खेल रद्द भएपछि नेपाल र ओमानले समान एक–एक अङ्क बाँडेका छन् । योसँगै नेपालको यो सिरिजमा बिर्सन लायक अन्त्य भएको छ । नेपालले यस सिरिजका ४ मध्य तीन खेलमा हार बेहोरेको थियो ।
लिग– २ मा नेपाल ८ खेलमा ६ हारसहित केवल ३ अङ्कसहित सातौँ स्थानमा रहेको छ । त्यसै गरी ओमानको भने ७ खेलमा ६ अङ्क रहेको छ र छैटौँ स्थानमा छ ।
प्रतिक्रिया