काठमाडौं । बजाज पल्सर एनएस २०० को अपेटेड भर्सन नेपाली बजारमा सार्वजनिक भएको छ ।
कम्पनीले आइतबार आयोजना गरेको एक कार्यक्रममा एनएस २०० को अपडेटेड भर्सन सार्वजनिक गरेको हो । बजाज मोटरसाइकलको नेपालका लागि आधिकारिक बिक्रेता हंशराज हुलाश चन्द एण्ड कम्पनीले ४ लाख ४४ हजार ९०० रुपैयाँ तोकेर अपडेटेड एनएस २०० सार्वजनिक गरेको हो ।
नयाँ एनएस २०० मा नयाँ हेडलाइट, स्लिपर एसिस्ट क्लच, राइड मोड तथा फुल डिजिटल कन्सोल थप गरेर सार्वजनिक गरेको हो । नयाँ एनएस २०० को इन्जिनमा समेत रिफाइमेन्ट गरेर ल्याएको छ । यसले मोटरसाइकलको पर्फमेन्ट तथा यसको साउण्ड नोटमा ब्यापक परिर्वतन देख्न सकिन्छ ।
एनएस २०० मा १९९ दशमलव ५ सीसी क्षमताको आयल कुल्ड, सिंगल सिलिण्डर इन्जिन दिएको छ । यसले अधिकतम २४ दशमलव ५ पीएस पावर र १८ दशमलव ७४ एनएम टर्क प्रदान गर्छ । यसमा ६ स्पीडको गियर बक्स जडान गरिएको छ ।
प्रतिक्रिया