एक घण्टा भित्र नयाँ पार्टस् दिन नसके निःशुल्क फेरिदिने टीभीएसको घोषणा

काठमाडौं । टीभीएसले १ घन्टामा नेपालको कुनैपनि कुनामा मोटरसाइकल तथा स्कुटरको पार्टस् नपाए निःशूल्क पार्टस् उपलब्ध गराउने योजना ल्याएको छ ।

कम्पनीले बिहीबार आयोजना गरेको एक कार्यक्रममा उक्त योजना सार्वजनिक गरेको हो । कम्पनीले संचालनमा ल्याएको एप मार्फत ग्राहकले आफ्नो पार्टस अर्डर गर्न सक्ने छन् । बजारमा टीभीएसका पार्टस पाइदैन भन्ने निराधार हल्लाको भएको भन्दै कम्पनीले ६० मिनेटमा ग्राहकले आफ्नो बिग्रिएको पार्टस् उपलब्ध नपाएको खण्डमा सित्तैमा ग्राहकले पार्टस् पाउने जनाएको छ ।

जगदम्बा मोटर्सले टीभीएस मोटरसाइकल तथा स्कुटरको डिलरशीपका रुपमा काम गर्न थालेको ९ वर्षमा टीभीएस नेपालकै सबैभन्दा छिटो ग्रोथ हुने कम्पनीका रुपमा रहँदै आएको र टीभीएस अहिले दोस्रो नम्वरमा रहेको कम्पनीको दावी छ ।

टीभीएसले आयोजना गरेको उक्त कार्यक्रममा तीन मोडलका बीएस ६ मोटरसाइकल तथा स्कुटर सार्वजनिक समेत गरेको छ ।