एजेन्सी । आइफोन निर्माता कम्पनि एप्पलले अहिलेसम्मको सबैभन्दा पातलो स्मार्टवाच सिरिज १० सार्वजनिक गरेको छ ।
मंगलबार राति क्यालिफोर्नियाको मुख्यालयमा भएको एप्पल इभेन्ट २०२४ मा सिरिज १० सार्वजनिक भएको हो । यो स्मार्टवाच ९.८ एमएम पातलो हुने छ, जुन सिरिज नाइनको तुलनामा १० प्रतिशत पातलो हो । यसमा वाइड एङ्गल ओलेड डिस्प्ले हुने छ । जसले ढल्किएर घडिलाई हेर्दा पनि भिजुअल स्पष्ट देखिने बताइएको छ । यसअघिका एप्पल स्मार्टवाचहरूभन्दा यसको स्क्रिन चम्किलो पनि हुने भएको छ । यो सिरिजका स्मार्टवाच सिरिज नाइनको तुलनामा २० गुणा हलुका हुने छ ।
यस स्मार्टवाच सिरिजमा एप्पलले स्पिकर समेत अपडेट गरेको छ । यससँगै अब घडी आफैंमा मिडिया प्ले गर्न सकिने भएको छ । यसअघि भने अडिओ सुन्न ब्लुटुथ हेडफोन अनिवार्य थियो । त्यस्तै एप्पलले यस सिरिजबाट एआई फिचर पनि दिने भएको छ । यसका लागि यस सिरिजमा नयाँ चिप राखिएको छ । यस एआईले कलको बेला आवाजमा सुधार गर्ने, विजेट्स आफैं थप्ने र अनुवादमा पनि सहयोग गर्ने बताइएको छ ।
त्यस्तै स्वास्थ्य सम्बन्धीका सटिक सूचना दिन पनि यस सिरिजका घडीलाई सुधार गरिएको छ । जसले स्लीप एपनिया जस्ता समस्यालाई निगरानी गर्ने बताइएको छ । यसो हुँदा शरीरको विभिन्न अवस्था र निन्द्रालाई निगरानी गरी स्लिप अप्निया भएको छ वा छैन भन्ने सजिलै पहिचान हुने बताइएको छ । यस फिचर भने एप्पल वाच सिरिज नाइन र अल्ट्रा टूमा पनि उपलब्ध हुने भएको छ । यसले एक पटकको चार्जमा १८ घण्टाको ब्याकअप दिने छ ।
घडीले पानीको तापक्रम र गहिराइ मापन गर्न सक्ने एप्पलको दाबी छ । साथै पानीभित्रको संसार अन्वेषण गर्न यसले महत्त्वपूर्ण भूमिका खेल्ने एप्पलको भनाइ छ । यसको स्ट्राइप भने नाइकीको ब्राण्डको उपलब्ध हुने बताइएको छ । यस सिरिजमा एप्पल एस १० प्रोसेसर, फोर कोर न्युरल इन्जिन, क्रयाश र फल डिटेक्सन हुने भएको छ ।
विश्वका १५० बढी देशमा उपलब्ध हुने सिरिज १० मा जीपीएस फिचर भएकोलाई ३९९ डलर र जीपीएस तथा सेलुलर फिचर भएकोलाई ४९९ डलर पर्ने छ ।
प्रतिक्रिया