एजेन्सी । अमेरिकी बहुराष्ट्रिय प्रविधि कम्पनी एप्पलले हरेक वर्ष सेप्टेम्बरमा नयाँ आइफोन सिजि लञ्च गर्ने गरेको छ ।
कम्पनीले आज राति बहुप्रतिक्षित आइफोन १६ मोडलको लाइन अप लञ्च गर्दैछ । कम्पनीले आइफोन १६, आइफोन १६ प्रोज सिरिज लञ्च गर्नेछ । यी फोनमा एआई फिचर्स हुनेछ । यसबाहेक कम्पनीले एप्पल वाच सिरिज १०, एप्पल वाच अल्ट्रा ३ र एप्पल वाच एसई मोडल पनि लञ्च हुने सक्ने अपेक्षा गरिएको छ ।
कम्पनीले यस कार्यक्रमलाई ‘इट्स ग्लोटाइम’ भन्ने ट्यागलाइन दिएको छ । यो कार्यक्रम कम्पनीका आधिकारिक वेबसाइट, एप्पल टिभी र युट्युबमा समेत हेर्न सकिनेछ । युट्युबमा लाइभ स्ट्रिमिङ हेर्न एप्पल च्यानलमा जानु पर्नेछ । कार्यक्रम राति १० बजेपछि शुरु हुनेछ ।
मिडिया रिपोर्टका अनुसार इभेन्टको लोगोले आइफोन १६ मा दिएको भिजुअल परिवर्तनलाई दर्शाएको बताइएको छ । नोटिफिकेशन इफेक्ट्समा पनि परिवर्तन देख्न पाइनेछ ।
डिस्प्लेको साइजमा हेरफेर
अनलाइनमा राखिएका तस्बिरहरूका अनुसार एप्पलले आईफोन १६ प्रो र आईफोन १६ प्रो म्याक्सको डिस्प्ले साइज परिवर्तन गर्न सक्नेछ । आईफोन १६ प्रो म्याक्समा ६ दशमलव ९ इन्चको डिस्प्ले हुन सक्ने बताइएको छ । आईफोन १६ प्रोमा भने ६ दशमलव ३ इन्चको डिस्प्ले हुन सक्नेछ । नयाँ आइफोनमा एप्पल इन्टेलिजेन्स पनि आउनेछ ।
एप्पलको यो फोनमा ओपनएआइएको च्याटजिपिटी पनि रहेनेछ । आइफोनमा च्याटजीपीटी –४० सपोर्ट हुनेछ । आइफोन १६, आइफोन १६ प्लस, आइफोन १६ प्रो र आइफोन १६ प्रो म्याक्समा नयाँ ए१८ चिप प्रयोग भएको हुन सक्ने अनुमान गरिएको छ । सबै मोडलमा अर्को युनिक फिचर पनि हुन सक्ने बताइएको छ ।
क्यामराको डिजाइनमा परिवर्तन
आइफोन १६ को क्यामरा डिजाइनमा परिवर्तन देख्न सकिनेछ । यो डिजाइन आइफोन ११ को जस्तै हुन सक्ने खबर आएको छ । कम्पनीले क्यामराको सेन्सरलाई सुधारेको हुन सक्ने र लाइट सेन्सरलाई पनि राम्रो बनाएको हुन सक्ने अनुमान छ । खबरका अनुसार अघिल्ला मोडलको तुलनामा यो फोन सय डलर बढी महँगो हुन सक्ने छ ।
तर कम्पनीले अहिलेसम्म यसको पुष्टि भने गरेको छैन । कम्पनीले आइफोन १५ सिरिजको मूल्य पनि कटौती गर्र्न सक्ने बताइएको छ ।
प्रतिक्रिया