कालिकोट । कर्णाली राजमार्गका विभिन्न ठाउँमा पहिरो खस्दा सडक अवरुद्ध भएको छ भने यात्रु अलपत्र परेका छन्।
राजमार्गको कालीकोट खण्ड अन्तर्गत दुई ठाउँमा सडक अवरुद्ध भएको हो। एसमोड र गगनेमा आएको पहिरोले सडक अवरुद्ध भएको जिल्ला प्रहरी कार्यालय कालीकोटले जनाएको छ । सडक अवरुद्ध भएपछि सवारीसाधन बाटोमै रोकिएका छन्। गएरातिको वर्षातले गगने खोलाको २० मिटर बाटो समेत लगेको प्रहरीको भनाई छ ।
पहिरो पन्छाउने प्रयास भइरहेको पनि प्रहरीले जनाएको छ । अवरुद्ध सडक खोल्न सडक डिभिजन प्रहरी टोली परिचालन गरिएको छ।
प्रतिक्रिया