मोरङमा मृत भेटिए दुई बालिका, आमा बेपत्ता

मोरङ । मोरङको सुन्दरहरैँचा नगरपालिका–७ मा दुई बालिका मृत अवस्थामा भेटिएका छन् ।

स्थानीय सीता रेग्मीको घरमा डेरा गरी बस्दै आएका अर्जुन कार्की र अस्मिता कार्कीका छोरीहरु १ वर्षीया अर्पणा र ३ वर्षकी आयिकाको शव नजिकैको केराघारीभित्र भेटिएका हो । उनीहरुको हत्या भएको आशंका प्रहरीले गरेको छ । दुई बालिकाको शव नजिकै किटनाशक औषधीको बट्टा भेटिएको र शरीरमा बाहिरी चोट नदेखिएकाले उनीहरुको हत्या भएको हुनसक्ने प्रहरीको आंकलन छ ।

प्रहरीका अनुसार पति–पत्नीबीच झगडा भएपछि शुक्रबार राति करिब साढे ८ बजेतिर अम्मिता दुई छोरीलाई लिएर घरबाट निस्किएकी थिइन् ।

शनिबार साँझ २ छोरीको शव फेला परेपनि हालसम्म अस्मिता भने सम्पर्कमा आएकी छैनन् ।