नेपालको लगातार दोस्रो हार

काठमाडौं । श्रीलंकामा रहेको नेपाली महिला क्रिकेट टिमले लगातार दोस्रो खेलमा हार बेहोरेको छ ।

बुधबार श्रीलंका डेभलपमेन्ट टिमसँग सम्पन्न पहिलो खेलमा नेपाली टिम ४ विकेटले पराजित भएको हो । नेपालले दिएको १०७ रनको लक्ष्य पछाएको श्रीलंकाको टिमले १९ दशमलव ५ ओभरमा ६ विकेट गुमाएर लक्ष्य पुरा गरेको थियो । यस अघि नेपाली महिला क्रिकेट टिमले पहिलो ब्याटिंग गर्दै २० ओभरमा ७ विकेट गुमाउदै १ सय ६ रन बनाएको थियो ।

यस अघि मंगलबार सम्पन्न पहिलो खेलमा नेपाल ३३ रनले पराजित भएको थियो । यो जितपछि श्रीलंकाको टिम ३ खेलको सिरिजमा २–० ले अगाडी रहेको छ र सिरिज पनि जितेको छ ।

अब सिरिजको अन्तिम खेल जुलाई १६ मा हुने छ ।