आयोजक जर्मनीलाई हराउँदै स्पेन सेमिफाइनलमा

एजेन्सी । जारी युरोकप फुटबल २०२४ अन्तर्गत भएको खेलमा आयोजक जर्मनी क्वाटरफाइनलबाटै बाहिरिएको छ ।

अधिकाँश भेट्रान र केही नयाँ खेलाडी भरिएको भरपर्दो टिम जर्मनलाई युवा खेलाडीको बाहुल्य रहेको स्पेनले घरेलु मैदानमा २–१ गोलको हार चखाउँदै स्तभ्द बनायो । निर्धारित ९० मिनेटको खेल एक एक गोलको बराबरीमा सकियो । सुरुवाती अग्रता लिएको स्पेनले खेलको ५१औं मिनेटमा युवा विंगर लामिन यामलका पासमा डानी ओल्मोको गोलबाट खाता खोलेको थियो ।

खेल सकिनै लाग्दा ८९औं मिनेटमा जर्मनले गोल गरेर खेल बराबरीमा पुर्यायो । त्यसपपछि खेल अतिरिक्त समयमा गयो । अतिरिक्त समयको १ सय १९औं मिनेटमा स्पेनका लागि माइकल मारिनोले गोल गरेर अघिल्लो चरणको यात्रा तय गराए । हारसँगै जर्मनी प्रतियोगिताबाट बाहिरिएको छ । जारी युरोकपमा स्पेन हालसम्म अपराजित छ ।

स्पेनले पाँच खेल जितिसकेको छ । समूहगत चरणमा पहिलो हुँदै स्पेन नकआउट चरणमा प्रवेश गरेको थियो ।