बेलायती आम निर्वाचनः सत्ताधारी दलको लज्जास्पद हार, प्रतिपक्षी लेबरको एकल बहुमत

एजेन्सी । बेलायती चुनावमा लगातार १४ वर्षबाट सत्ताधारी भएको कन्जरभेटिभ दलको लज्जास्पद पराजय भएको छ ।

टोरीज् भनेर चिनिने सत्ताधारी दलले बेलायती सदनको ६ सय ५० सिटमा तीन अंकको सिट पुर्‍याउन नसकेर ८२ मा खुम्चिएको छ । टोरिज्ले हालसम्म १९३ सिट गुमाएको अन्तर्राष्ट्रिय सञ्चार माध्यमहरुले जनाएका छन् । यस्तै प्रमुख प्रतिपक्षी लेबर पार्टीले पछिल्लो चुनाव भन्दा १ सय ७५ सिट बढाएर अहिलेसम्म ३ सय ६२ सिट ल्याएको छ ।

१ सय २४ सिटको नतिजा आउन बाँकी हुँदै लेबरको एकल बहुमत भन्दा बढि सिट आएको हो । ३ सय २६ मा बहुमत पुग्नेमा लेबरको बहुमत बढी सिट आइसकेको छ । लेबर पार्टीको एकल बहुमत आएसँगै १४ वर्षबाट सत्ताहिन भएको लेबरले सत्ता चलाउने भएको हो । अबको चार दिनमा बेलायती सदन संचालनको कार्यतालिका रहेको छ ।

लेबरको बहुमत आएसँगै लेबरका नेता केइर स्टार्मर प्रधानमन्त्री बन्ने पक्का भएको छ ।