एजेन्सी । आगामी जुलाई २६ देखि अगस्ट ११ सम्म फ्रान्समा सुरु हुने पेरिस ओलम्पिकमा सहभागि हुने अर्जेन्टिनाको फुटबल टोलीमा स्टार खेलाडी लियोनल मेसी परेका छैनन् ।
जारी कोपा अमेरिका २०२४ मा आफ्नो प्रदर्शन गरिरहेका मेसीलाई चोटका कारण टोलीमा नसमेटिएको हो । मेसीले सन् २००८ मा चीनमा भएको बेइजिङ ओलम्पिकमा स्वर्ण जितेका थिए । मुख्य प्रशिक्षक जेभिएर माशेरानो घोषणा गरेको टोलीमा विश्वकप विजेता टिमका चार जना खेलाडी छन् । जसमा स्ट्राइकर जुलियन अल्भारेज र निकोलस ओटामेन्डी समावेश छन् ।
ओलम्पिकमा २३ वर्षमुनिको राष्ट्रिय टिमले खेल्छन् तर प्रत्येक टिममा २३ वर्षभन्दा माथिका चार जना खेलाडी राख्न पाइन्छ । ओलम्पिक पुरुष फुटबलमा अर्जेन्टिना समूह ‘बी’ मा छ ।
यो समूहमा अर्जेन्टिनासँगै मोरक्को, इराक र युक्रेन छन् ।
प्रतिक्रिया