नेपाल १७ औँ स्थानमा यथावत, खेलाडी वरीयतातर्फ भारतका अलराउन्डर हार्दिक शीर्षस्थानमा

एजेन्सी । भर्खरै सम्पन्न टी–२० विश्वकप २०२४ पछि अन्तर्राष्ट्रिय क्रिकेट काउन्सिल (आईसीसी) ले सार्वजनिक गरेको पछिल्लो वरीयतामा नेपाल १७ औँ स्थानमा यथावत रहेको छ ।

खेलाडी वरीयतातर्फ अलराउन्डरमा भारतका हार्दिक पंड्या एक नम्बरमा आएका छन् । नेपालका दीपेन्द्रसिंह ऐरी ७ औँ स्थानमा यथावत छन् । अलराउन्डरतर्फ कुशल मल्ल ३६ औंमा यथावत, रोहित पौडेल ५४ मा यथावत, गुल्सन ७० र कुशल भुर्तेल ७१ मा यथावत । करण केसी ७५ औँ स्थानमा यथावत छन् ।

ब्याटिङतर्फ दीपेन्द्रसिंह ऐरी ४६ औँमा यथावत छन् भने कप्तान रोहित पौडेल ६१ मा यथावत रहेका छन् । उता ओपनर आसिफ शेख भने एक स्थान खस्केर ७१ औँ स्थानमा झरेका छन् ।

बलिङतर्फ सोमपाल कामी एक स्थान खस्केर ९२ औँ र दीपेन्द्रसिंह ऐरी ९७ औँ स्थानमा यथावत छन् ।