दोहोरो अंकले बढ्यो नेप्से, ३ अर्ब बराबरको कारोबार

काठमाडौं । साताको दोस्रो कारोबारको दिन सोमबार सेयर बजारमा दोहोरो अंकको वृद्धि भएको छ ।

आज सेयर बजार परिसूचक १६ दशमलव २९ अंकले बढेर २०५३ दशमलव ३८ को विन्दुमा पुगेको छ । आज ३२३ कम्पनीको ४४ हजार १ सय ६९ पटकको कारोबारमा ७१ लाख ६५ हजार ७ सय ३५ कित्ता सेयर खरिद बिक्री भएको छ । जसमा कारोबार रकम २ अर्ब ९९ करोड ९९ लाख ६५ हजार रुपैयाँ रहेको छ ।

सेन्सेटिभ इन्डेक्स ३ दशमलव ०१ अंकले बढेको छ भने फ्लोट इन्डेक्स १ दशमलव ३६ अंकले बढेको छ । त्यस्तै, सेन्सेटिभ फ्लोट इन्डेक्स १ दशमलव ३८ अंकले बढेको छ । १३ उपसमूहमध्ये निर्माण र फाइनान्स कम्पनीहरू घटेका छन् भने ११ वटा बढेको छ ।

आज सर्वाधिक बढ्नेमा विकास बैंक र होटेल रहेका छन् ।