एजेन्सी । भारतीय सिनियर क्रिकेट टोलीका मुख्य प्रशिक्षक राहुल द्रविड प्रशिक्षकको भुमिकाबाट विदा भएका छन् ।
भारतलाई दोस्रो पटक टी–२० विश्वकप क्रिकेटको उपाधि दिलाएर उनी विदा भएका हुन् । पद छोडेपछि राहुल द्रविडले टी–२० विश्वकपमा भारतीय टिमले उत्कृष्ट प्रदर्शन गरेको बताएका छन् । उनले यो जित सम्भव बनाउन कप्तान रोहित शर्मासहित भारतीय टोली र सपोर्ट स्टाफलाई धन्यवाद समेत दिएका छन् ।
पद छाड्दै गर्दा उनले भनेका छन, ‘खेलाडीको हैसियतले मैले विश्वकप जित्न सकिनँ । म त्यति भाग्यमानी थिइनँ तर जहिले पनि खेलेँ मैले आफ्नो उत्कृष्ट दिएँ । विश्वकप जित्न नसकेका धेरै खेलाडी छन् । तर म भाग्यमानी थिएँ कि मैले भारतीय टोलीको प्रशिक्षक बन्ने मौका पाएँ।’ उनले भने, ‘हाम्रा खेलाडीहरूको यो समूहले जित सम्भव बनायो।
रोहित र यो टोलीसँग काम गर्दा मलाई रमाइलो लाग्यो। म खुसी छु कि हामीले सक्दो गर्यौँ। म भाग्यशाली थिए कि प्रशिक्षक र सहयोगी स्टाफको समूह छ जसले हामीलाई यो विश्वकप जिताउन मद्दत गर्यो।’
प्रतिक्रिया