बिहीबार ८ दशमलव २४ अंकले घट्यो नेप्से

काठमाडौं । साताको अन्तिम कारोबारको दिन बिहीबार सेयर बजार परिसूचक नेप्से ८ दशमलव २४ अंकले घटेर २०५१ अंकमा कायम भएको छ ।

नेप्से घटेपनि कुल ३ अर्ब ७१ करोडको कारोबार भएको थियो । फाइनान्स समूहको सूचक सबैभन्दा धेरै २ दशमलव २३ प्रतिशतले घट्यो । बैंकिङ ० दशमलव ०९ तथा अन्य समूह १५ अंक बढे । व्यापार ४०, निर्जीवन बीमा ७०, माइक्रोफाइनान्स ४३, उत्पादन ७५, जीवन बीमा ९९, हाइड्रोपावर ११, होटल तथा पर्यटन २७ र विकास बैंक समूह १७ अंक घटे ।

त्रिशूली जलविद्युत्को मूल्य सबैभन्दा धेरै ७ प्रतिशत बढ्यो । मैलुङखोला जलविद्युतको ५ दशमलव ६, माण्डु हाइड्रोपावरको ३ दशमलव ८, हिमालयन पावरको ३ दशमलव ७, माउन्टेन हाइड्रो नेपालको ३ दशमलव ७ प्रतिशत मूल्य बढ्यो । मूल्य धेरै बढ्नेमा बैंक तथा वित्तीय संस्थाका ऋणपत्र पनि अगाडि रहे । नेपाल फाइनान्सको मूल्य १० प्रतिशत घटेको छ ।

शिवश्री हाइड्रोको ७ दशमलव ८, स्वेतगंगा हाइड्रोको ३ दशमलव ७ प्रतिशत मूल्य घट्यो ।