एजेन्सी । जारी कोपा अमेरिका अन्तर्गत बिहीबार बिहान भएको खेलमा मेक्सिकोलाई १–० गोल अन्तरले पराजित गर्दै भेनेजुएला क्वाटरफाइनलमा प्रवेश गरेको छ ।
भेनेजुएलाले प्रतियोगितामा लगातार दोस्रो जित हात पार्दै क्वाटरफाइनलमा आफ्नो स्थान सुरक्षित गरेको हो । यो जितपछि भेनेजुएला २ खेलमा ६ अंकसहित शीर्ष स्थानमा रहेको छ र क्वाटरफाइनलमा आफ्नो स्थान सुनिश्चित गरेको छ । त्यस्तै, मेक्सिकोको भने २ खेलमा ३ अंक रहेको छ र समूहमा तेस्रो स्थानमा छ ।
अब भेनेजुएलाले समूह चरणको अन्तिम खेल जुलाई १ मा जमैकासँग खेल्ने छ भने मेक्सिकोले सोही दिन इक्वेडरसँग खेल्ने छ ।
प्रतिक्रिया